蒜爆王

Open Now

Now Closed

黎良景市集必食之一一定係蒜爆王，佢既炒鐵板真係好夠穫氣架~ 長期好多街坊買，包括我呢個舊街坊😆細份炒鐵板20蚊，大份或雙拼都係30蚊，呢個價錢絕對普通餐廳食唔到。今晚好想食魷魚同牛柳，於是就諗都唔諗就叫呢兩樣。炒完拎得袋野食既時候雖然膠袋密封，但已經隱約地散發陣陣蒜香，急不及待想快啲食。牛柳同魷魚得色澤均勻，而且完全吸收蒜蓉醬汁，非常惹味，一貫店鋪「蒜爆」。牛柳肉汁多之餘亦嫩滑，少少油花帶出無窮美味。魷魚粗大且有嚼勁，唔使一陣間已經食哂，所以平有平好食。