La Postre (永樂街) (Closed)

今日好開心可以早收工，可以同太太撐枱腳，去到一間舒適嘅餐廳傾吓計談下心。 呢度嘅裝修非常之特別，有卡位選擇，好有私人空間。西班牙菜平時都吃好多，但係呢度除咗西班牙菜式之外仲有好多各式各樣嘅西餐選擇。 仲有好多特色嘅甜品。我哋叫咗一個西班牙海鮮炒飯，二人分量剛剛好足夠，而且份量亦都十足，海鮮非常足料，有青口，帶子，鮮蝦等等😍😍😍 而且炒飯依然係用鐵板，但係一啲都唔覺得油膩。正呀小食方面我哋叫咗個芝士蟹肉餅，淡淡芝士配上蟹肉，呢個都好特別因為唔係度度地方都有得食。甜品同埋飲品方面我哋叫咗個，waffle , 配上雪糕，香脆熱辣辣。喜歡食甜品嘅我，梗係清碟啦😘😍飲品我哋叫咗鮮果茶，粒粒鮮果丶有熱飲同埋凍飲選擇。