野玩山店 (Closed)

朋友介紹黎到灣仔食semi-buffet lunch，預先訂左位，餐廳格局走野外風，有好多camping的裝飾，亦以綠色為主調。但菜式就唔見得有太「野」。Set lunch係有自助沙律吧加一個主菜，有餐湯同甜品仲有野飲，包你實食得飽。以$158食到肉眼仲有自助前菜沙律，都算幾抵食。我同友人都揀左steak但今日的flank steak轉左肉眼。自助吧食物唔算好多，但都唔錯。有偏日式的螺肉、冷麵同中華沙律，全部都用小碗仔，方便攞，份量啱啱好。另外亦有chorizo辣肉腸同豬肉腸，都係一般。幾欣賞佢地用熱盤放麵包，唔會放到凍哂又硬，麵包都算鬆軟，尚算合格。我亦都幾鐘意前菜都有ribs仲整得幾淋，個燒汁亦幾好味。反而沙律菜選擇唔多，菜亦唔夠新鮮。主菜反而麻麻，個肉眼我叫5成熟但就過熟，有啲dry亦冇左啲肉汁，炭燒味好濃，有點兒過濃。黑椒汁正常，但可以再濃少少，炭燒味都可以蓋過黑椒汁的味。薯格有點過咸，亦唔太新鮮。整體只屬好一般的牛扒。甜品亦失望，係個好甜的蛋糕，我食左一口已經冇食，對我黎講太甜。以有約$170 lunch黎講，都算豐富，幾多野食而且好飽，但質素有待改善。