Video
Read full review
2010-09-21
11 views
其實我o係早兩個月前已經食過呢度o既蟹粥，o個陣o個陣都冇咁多人，亦都未有咁多周邊小食。不過，佢地o既招牌菜「生滾膏蟹粥」真係好好味。早排亦都經過呢度，見到開始有龍尾出現。估唔到兩個月之後o既今日，竟然要攞籌先入到去。好采我都唔係太遲，都係等o左一陣。事關今日見秋風起，除o左食臘味之外...咁o岩就諗起食蟹，所以我今日再次同老婆仔過黎食多次。我地今日點o左「生滾膏蟹粥」、「炸八爪魚丸」同「自家制蜆肉春卷」。今次為o左突出蟹粥o既出色...我只upload 一張相。首先係蟹粥，瓦煲生滾令蟹的香味更濃,蟹膏令粥底都變了黃色，又鮮甜，又有蟹味。蟹鉗肉係彈牙o既，五個字「新鮮又大隻」~~~ 如果煲底有少少好似飯焦o既物體o話，咁就恭喜囉...因為o個層o野非常好食(唔知點解，真係超超超真真真好好好味~~~你想像一個煲仔飯原理o既話，你就會明)而炸八爪魚丸，裏面o既八爪魚粒很有口感，很香口，很好吃...脆脆的炸皮係佢o既特色之一。最後就係春卷，又係好好食，估唔到春卷涵可以同蜆肉做得咁好食。雖然店內面積唔係大，但係都坐得鬆動。不過，可能人氣升急升o既關係，食客們都慕名而來，店內人手有不足o既情況出
其實我o係早兩個月前已經食過呢度o既蟹粥，o個陣o個陣都冇咁多人，亦都未有咁多周邊小食。不過，佢地o既招牌菜「生滾膏蟹粥」真係好好味。
早排亦都經過呢度，見到開始有龍尾出現。估唔到兩個月之後o既今日，竟然要攞籌先入到去。好采我都唔係太遲，都係等o左一陣。
事關今日見秋風起，除o左食臘味之外...咁o岩就諗起食蟹，所以我今日再次同老婆仔過黎食多次。我地今日點o左「生滾膏蟹粥」、「炸八爪魚丸」同「自家制蜆肉春卷」。今次為o左突出蟹粥o既出色...我只upload 一張相。
首先係蟹粥，瓦煲生滾令蟹的香味更濃,蟹膏令粥底都變了黃色，又鮮甜，又有蟹味。蟹鉗肉係彈牙o既，五個字「新鮮又大隻」~~~ 如果煲底有少少好似飯焦o既物體o話，咁就恭喜囉...因為o個層o野非常好食(唔知點解，真係超超超真真真好好好味~~~你想像一個煲仔飯原理o既話，你就會明)
而炸八爪魚丸，裏面o既八爪魚粒很有口感，很香口，很好吃...脆脆的炸皮係佢o既特色之一。
最後就係春卷，又係好好食，估唔到春卷涵可以同蜆肉做得咁好食。
雖然店內面積唔係大，但係都坐得鬆動。不過，可能人氣升急升o既關係，食客們都慕名而來，店內人手有不足o既情況出現，同埋名物都好快沽清。
總結：名物水準冇跌，點食都咁好味；但人手不足方面有待改善。
Post
