元朗新記 (吳松街)

Open Now

Now Closed

夜晚想食碗粥，來呢到就啱喇，佢既生滾粥幾出色，價錢亦好合理。豬潤粉腸粥 $39邪惡孖寶粥，豬潤最重要係厚切同緊緊熟，食入口先會感受到果種香滑軟，入口即溶的潤甜味，正到呢～而粉腸就要處理得乾淨，去曬多餘的油脂和豬臊味，食落先會嫰，口感一流。呢檔生滾粥，完全符合到我的要求。炸兩 $20食粥當然要配個油炸鬼，今晚決定 upgrade 了，食炸両。油炸鬼好脆，好好食。燒味拼盤 $85估唔到佢既燒味拼盤都幾大碟，有齊我最喜愛的叉燒、切雞、燻蹄同海蜇，份量好足。切雞夠滑又唔肥，點埋薑蓉真心正。燻蹄肥瘦分明，白色部分爽口，紅色部分惹味，好送粥。海蜇夠多又彈牙，唯獨叉燒比較瘦，如果可以半肥瘦就 perfect 池喇！海蜇同辣蒜醋真係絕配。星洲炒米粉 $54香而不辣，咖哩粉好香又惹味。材料有火腿同蝦仁，蔥段同紅蘿蔔等。鐘意佢炒得夠乾身又入味，幾好鑊氣。凍奶茶 $19味濃，冰唔算多，但亦夠凍。熱奶茶 $16茶膽靚，奶又夠滑，水準之上。枱與枱之間有加隔板，人人食得更安心。