Granville Island Hong Kong (Closed)

西營盤站上年通車後方便了很多，今次就去了Granville晚餐，早前朋友帶過我食過中央圖書館後的分店，今次地點都ok, 出地鐵站行上小斜路，不消一會就到。店面半開放式，可以見到店員預備飲品。牆上掛上不同的動物部位圖，我喜歡這牛！睇左陣會令我想食sirloin同rib,但今晚朋友不食牛，無點到。Buffalo wings味道依然夠酸夠辣，我重口味型，對又香又咸的blue cheese 非常喜歡，咸香酸辣，朋友仔食唔到，最後我自己一注獨得。Shakshuka 對我來說，shakshuka已經成為這餐廳的招牌菜，黑鐵小煎pan, 煙肉芝士雜菜蛋，材料簡單但又好香口惹味，伴多士進食，其實有少少pizza味呢。煲仔煮蜆餐牌上既真名我都忘記了 ，就稱之為",煮蜆"吧！ 細細煲配多士上 ，一開蓋就聞到鮮甜蜆味，加上不同香草和酒炮製而成，蜆仔細細份外甜，又沒有沙，容易進食。用多士配，原本平平無奇的，只要點點蜆湯，多士立即變得有深度，湯又鮮又濃又入味。我們處於happy hours 時份，用到優惠呢！左邊的是朱古力味啤酒，喜歡黑啤的朋友記得一試喇！