醉金渦 (Closed)

凍冰冰，最好梗係打邊爐啦，由11月開始已經打咗好多次邊爐既我，已經係邊爐老手，普通邊爐已經滿足唔到我，梗係要搵啲好食又坐得舒服，今次去咗尖沙咀嘅醉金渦，首先講吓佢嘅裝修先，非常新淨而且別具氣派，睇得出擺咗唔少本錢落去裝修，入邊有圓枱，有卡位亦都有貴賓房，適合情侶，家人，或者要求私隱度高嘅朋友之後要講吓佢嘅食物，首先要介紹吓時令食物，怪物生蠔，真係食完想再食，手掌咁大嘅生蠔，清新而且鮮味十足，鮮味簡直心頭住整個舌頭，好味到唔捨得吞落肚另外就係10分欣賞佢嘅老火湯底，經過老火湯既嘅烹調，食物完全唔使點豉油，直接食落肚都夠入味，呢個係第二間搵唔到👍👍👍介紹吓今次呢個邊爐套餐，喺美國安格斯牛頸脊套餐，二人套餐泥🥰入邊嘅牛頸脊好大盆，一定夠食，我朋友食到飽到第二朝😂😂，海鮮拼盤，食材新鮮而且裝食物的器皿，經過精心挑選，我都忍唔住打張卡🥰🥰另外推介佢哋嘅自家現炸響鈴，可以點糖，或者喺湯底度碌兩碌之後進食，有意想不到嘅驚喜，甜甜又辣辣咁，食完忍唔住再食，呢個二人套餐仲可以揀埋兩款自選火鍋配料，都有好多選擇㗎包括有鴨血餃子面類等等我下次都會再去㗎，到時睇吓撞唔撞到大家😍😍