Seoul Bite (金銘大廈) (Closed)

上次試咗其中一隻味，所以今日又要叫外賣，就忍唔住又要叫呢個炸雞啦！蜂蜜黃油炸雞都係叫咗老朋友蜂蜜黃油炸雞，一樣都係咁好味！呢個炸雞送到嚟仲係熱辣辣卜卜脆！上次叫咗無骨，今次揀咗有骨，諗住睇吓有咩分別。我覺得有骨比較覺得自己食緊炸雞！有多啲咬感！個炸雞嘅味道都好足夠！甜豉油炸雞朋友話想試吓呢個味，所以呢都試咗個新口味。呢個新口味都唔會令人失望，因為佢真係好濃味，甜豉油嘅味深透左係個雞入邊，而且因為個雞真係仲好熱辣辣，食落口真係好香口。以前曾經喺韓國讀過書，當時食落嘅炸雞同呢個真係好似樣！建議大家都可以一試！