日嚐

Open Now

Now Closed

日式小店，舖頭細細帶點溫馨感覺， 7點幾就開始坐滿。好似無印咁，俾你揀2款前菜，紫薯青蘋果沙律：番薯得來帶點清新嘅感覺，南瓜田煮：南瓜煮得好軟腍甜甜地嘅日本南瓜，清爽嘅柚子青瓜同埋和風茄子都好食。主菜我哋還煮美國封門枊（$118）同銀鱈魚西京燒（$138），特別欣賞呢兩個主菜都好好食。銀鱈魚西京燒的外皮煎得好香脆，內裏軟熟帶魚油香。至於風門樓都係驚喜，個肉質好軟腍，咬落唔會好多筋或者煙靭，配埋個柚子胡椒鹽，味道啱啱好。推薦大家加$8加個醬油蛋，因為醬油蛋嘅甜甜鹹鹹配埋飯真係好夾。我哋另外叫咗個千層塔玉子燒都係驚喜之作，睇佢$28有四舊，但係每舊都煎得好香脆加埋甜甜嘅玉子，食完一嚿一嚿。另外加咗$4要咗個蜜瓜大福同埋芝麻大福都好好食。餐廳唔收+1服務費。