元祖沾麵專門店

Open Now

Now Closed

平時放工經過都會見到呢間元祖拉麵，平時都見到好多人係門口外面排隊。咁岩今日早左放工就一於入去試下呢間沾麵，大概等左15-20分鐘就有位入座，餐廳侍應好有禮貌介紹食物和主動加茶，值得一讚。我地叫左極上芝士海膽沾麵（$158）再加多個石燒芝士飯($29)份量岩岩好。先試細口食左一啖海膽，新鮮既海膽入口即溶，鮮甜美味。食沾麵前將青檸和黑七味粉加入麵底，然後再將麵沾一沾湯底，湯底芝士極濃郁之餘不會感覺太漏，食得津津有味，十分推介。再食石燒芝士飯，面層鋪滿芝士，十分邪惡，望都到逼不及待要試一試。將飯和芝士攪拌混合一起，飯裏的芝士仍然入口即溶，十分不錯的配搭，雖然要等候十五至二十分鐘才有位子入座，但餐廳的食物質素和侍應服務態度良好。令我覺得下次一定要再食多次，希望餐廳能夠一直保持水準。