初心

Open Now

Now Closed

到左將軍澳搵食， 行過見有間初心，是食火鍋放題，加設嘉士佰啤酒任飲，啱晒我哋胃口，便進入開餐囉。首先店員送上5款#餐前小食，每天提供的會唔同，今晚有麻辣鴨血、松露蝦多士、椒鹽三文魚頭腩、漬牛膀同埋炸雞翼。 再黎的三文魚剌身～美味新鮮。 食完雞煲先再打邊爐，要了少辣但都好惹味，上枱後再炒一炒，配料的豬皮、洋蔥🧅、香蔥同埋辣椒🌶️，爆得香噴噴，雞件滑身好正😊。湯底點了藥膳醉雞鍋，藥材味香濃，超級正嘅環球海鮮船出場，買相精緻，內有蠔味香濃的廣島蠔，厚身的龍躉片，蟶子皇、蝦🦐、大蜆同埋翡翠螺，款款都各有特色。可以任食嘅食物有脂肪比例平均的極上肥牛，肉味香的黑豚肉，肉汁豐富的丸類，芝士腸，同埋澱粉質的烏冬☺️⋯⋯，真係要咩有咩👍。食飯要食埋菜至健康，呢個色彩繽紛的蔬菜籃🧺好捧。最後甜點仲有雪米糍，飽到極都要食埋佢呀!食完堅係滿足，食物質素高，而且可以任食任飲，好讚啊。