69
25
13
Level4
2.1K
9
食盡海陸空 ﹗
2014-10-28 10741 views
最初 5 個人既晚餐，增加到 11 個，最後只得 8 個出席，真係風回路轉呀 ﹗波幅勁過股市啦 ﹗好采只係叫左個 6 人餐啫，唔係又浪費食物喇 ﹗依個 6 人餐都非常豐富，菜單、環境都好鬼上海 ﹗不過似乎唔多夠食，再加多 1 籠小籠包先，但最後結賬時發覺前後加左 2 籠呢，侍應姐姐搞錯左 ﹗即係前後共 3 籠小籠包，有 15 隻囉。無有怕 ﹗有我係度唔洗驚食唔晒。紅棗，餐前簡單小吃，清淡既甜味，幾好。無縐紋既紅棗好奇怪，哈哈。麵豉青豆牛展，好少見既小吃配搭，味道獨持。青豆有麵豉咸香，趙落爽脆濕潤，好味呢 ﹗牛展就大路，無咩特別。蘇浙湯包，個名都改得與別不同，即灌湯小籠包，其實做法同用料係咪有唔同呢？豬肉味香滿、滿瀉既湯汁鮮甜味美，包皮厚薄得宜，跟黑醋同吃，幾好味，雖然平凡，不過好滿意，食多幾隻先，呵呵呵。黑魚籽薰蛋，還以為係墨魚籽添，黑魚籽當然經貴好多啦。糖心蛋顏色賣相都一梳，煙薰味非常濃郁。一野成隻啪入口夠暢快，蛋黃味道較含蓄，要食到最後才散發淡淡甘香，可能因為煙薰味太濃及溫度太冰凍。奇怪地，完全食唔到魚籽既咸香鮮味囉。整體來說，煙薰味過嗆，若配上椒鹽就更能帶出蛋黃既甘香，不過都好好
Read full review
最初 5 個人既晚餐，增加到 11 個，最後只得 8 個出席，真係風回路轉呀 ﹗波幅勁過股市啦 ﹗好采只係叫左個 6 人餐啫，唔係又浪費食物喇 ﹗依個 6 人餐都非常豐富，菜單、環境都好鬼上海 ﹗不過似乎唔多夠食，再加多 1 籠小籠包先，但最後結賬時發覺前後加左 2 籠呢，侍應姐姐搞錯左 ﹗即係前後共 3 籠小籠包，有 15 隻囉。無有怕 ﹗有我係度唔洗驚食唔晒。紅棗，餐前簡單小吃，清淡既甜味，幾好。無縐紋既紅棗好奇怪，哈哈。麵豉青豆牛展，好少見既小吃配搭，味道獨持。青豆有麵豉咸香，趙落爽脆濕潤，好味呢 ﹗牛展就大路，無咩特別。蘇浙湯包，個名都改得與別不同，即灌湯小籠包，其實做法同用料係咪有唔同呢？豬肉味香滿、滿瀉既湯汁鮮甜味美，包皮厚薄得宜，跟黑醋同吃，幾好味，雖然平凡，不過好滿意，食多幾隻先，呵呵呵。黑魚籽薰蛋，還以為係墨魚籽添，黑魚籽當然經貴好多啦。糖心蛋顏色賣相都一梳，煙薰味非常濃郁。一野成隻啪入口夠暢快，蛋黃味道較含蓄，要食到最後才散發淡淡甘香，可能因為煙薰味太濃及溫度太冰凍。奇怪地，完全食唔到魚籽既咸香鮮味囉。整體來說，煙薰味過嗆，若配上椒鹽就更能帶出蛋黃既甘香，不過都好好味既，我最鍾意就係食雞蛋架喇。薄片牛展，我都較為鍾意薄多過厚。肉質彈牙而嚥韌有趙口，以淡淡既麻辣醬油淋面，味微辣刺激又開胃，越食越想食。賣相精緻用心，外層為牛展，而裡面係帶甜而爽既油浸筍，卷住一齊食，口感同味道更富豐，貪心的人最襯既食法，好似我一樣，正呀 ﹗醬油蘿蔔，根據賣相、顏色、外觀、口感都完全都估唔到會係蘿蔔囉 ﹗真係神奇，又一另類份子料理？咬落非常爽脆，仲要係卜卜聲，清香醬油味道夾雜住蘿蔔既鮮甜，不澀不苦，幾特別又好味 ﹗都係一款不錯既開胃菜，配高樑酒都幾好喎。紹興醉雞，依隻花雕咁純既？﹗陳年靚野黎架喎。完全唔會嗆喉又唔會辛辣，清甜香純，配埋嫩滑靚雞真係好好味呢 ﹗非常高水準，好怕某些食肆津到隻雞乾爭爭又鞋烚烚，諗起都怕呀 ﹗松仁芥蘭，芥蘭片十分清甜多汁又爽口，絕對無渣。食落仲有股青芥辣味道，好清新好提神既感覺，可以令人食唔停口啊 ﹗夾埋松仁一齊食，又有另一番風味，香口脆卜卜。清炒河蝦仁，白雪雪帶光澤，好靚喎 ﹗咬落都富彈性，不過味道就麻麻地，只有咸味而鮮味欠奉，醃過火喇。放涼左就更加咸，可能配白飯可以 balance 返，會好味好多。松鼠鱖魚，我真係唔知咩係鱖魚，桂花魚、黃花魚就較多，sorry。松鼠鱖魚，鱖魚肉切成菊花狀炸得鬆化香口，眼看到的的刀功利害。配上松子及甜酸汁，外層脆而魚肉鮮嫩帶肉汁，高水準既演譯，very good ﹗因為食過多間食肆質量都係一般，唔係太乾太硬就太酸。西湖蓴菜雲吞雞窩，又名西湖蒓菜雲吞雞湯，我都係唔知咩係蓴菜、蒓菜囉。跟我食開既雲吞雞有好大分別，依個真係清雞湯，仲要係老火燉湯黎添。雞既味道同精華已完全溶化係湯裡面，所以隻雞只係湯渣，無味而且又乾又鞋，不宜食用。一向食開既雲吞雞，雞會依然嫩滑，仲可以當一味餸食埋呢。濃郁香甜既雞湯，足料好味無欺場，堅好飲 ﹗雲吞皮非常滑溜，餡料同味道就一般喇。因為只係 6 人餐，只能夠分到 6 碗，遲到既朋友無得飲，抱欺抱歉。蘇浙招牌樟茶鴨，超多製作功夫既梓茶鴨，我好鍾意食架 ﹗外酥內嫩，帶有濃厚既樟木同花茶香味，煙薰味道甘甜。肉質滑而帶有水份，好正啊。喜歡的話，可以用蝴蝶包夾鴨肉同吃，份外冶味。但點解會跟泰式雞醬呢？味道配搭怪怪的，唔係應該配鴨醬咩？係咪搞錯左呀？蝴蝶包，配樟茶鴨食架。熱辣辣上枱，好香麵粉味道撲面而來 ﹗咬落非常軟墊，淨食都好好味。我始終覺得侍應姐姐係比錯左泰式雞醬囉，定係鴨醬剛剛用晒呀？豉香虎皮肉，原來係炆五花腩。炆得好入味喎，燒過既外皮再炆，外觀好似虎皮一樣。底下藏著一層滑溜啫喱狀既骨膠原，不油不膩又非常香口，食極唔厭。豬肉又炆到非常鬆化，無渣又有咬口又富彈性，太好味啊 ﹗再配埋豉汁調得香甜而不濁，不得了。小棠菜清甜爽口，一口五花腩，一口小棠菜可保持味覺清新，正 ﹗上湯浸菠菜，真係好清，最後一味都應該清清地，去一去剛才多款濃味小菜。簡單清湯蒜子菠菜，夠鮮爽，夠甜美，好味 ﹗特色寧波湯糰，我小食甜品，唔多識欣賞，不過都會一試既。糯米團裡面包住麻蓉，不過不失啦，不太甜還可接受。外面既水完全無味既？係咪食完個湯丸用黎漱口架？哈哈。紅棗、麵豉青豆牛展、蘇浙湯包、黑魚籽薰蛋、薄片牛展、醬油蘿蔔、紹興醉雞、松仁芥蘭、清炒河蝦仁、松鼠鱖魚、西湖蓴菜雲吞雞窩、蘇浙招牌樟茶鴨、豉香虎皮肉、上湯浸菠菜、特色寧波湯糰 ﹗

1155 views
1 likes
0 comments
1110 views
1 likes
0 comments
紅棗
323 views
0 likes
0 comments
麵豉青豆牛展
273 views
0 likes
0 comments
蘇浙湯包
200 views
0 likes
0 comments
黑魚籽薰蛋
175 views
0 likes
0 comments
薄片牛展
176 views
1 likes
0 comments
醬油蘿蔔
133 views
0 likes
0 comments
紹興醉雞
150 views
0 likes
0 comments
松仁芥蘭
173 views
0 likes
0 comments
136 views
0 likes
0 comments
紅棗、麵豉青豆牛展、蘇浙湯包、黑魚籽薰蛋、薄片牛展、醬油蘿蔔、紹興醉雞、松仁芥蘭、清炒河蝦仁、松鼠鱖魚、西湖蓴菜雲吞雞窩、蘇浙招牌樟茶鴨、豉香虎皮肉、上湯浸菠菜、特色寧波湯糰
252 views
1 likes
0 comments
清炒河蝦仁
158 views
0 likes
0 comments
松鼠鱖魚
196 views
0 likes
0 comments
松鼠鱖魚
160 views
0 likes
0 comments
西湖蓴菜雲吞雞窩
191 views
0 likes
0 comments
蘇浙招牌樟茶鴨
304 views
1 likes
0 comments
蝴蝶包
215 views
2 likes
0 comments
豉香虎皮肉
216 views
1 likes
0 comments
上湯浸菠菜
170 views
1 likes
0 comments
特色寧波湯糰
152 views
2 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2013-03-25
    Dining Method
    Dine In
    Spending Per Head
    $380 (Dinner)
    Recommended Dishes
    蘇浙湯包
    黑魚籽薰蛋
    薄片牛展
    紹興醉雞
    松仁芥蘭
    松鼠鱖魚
    松鼠鱖魚
    西湖蓴菜雲吞雞窩
    蘇浙招牌樟茶鴨
    蝴蝶包
    豉香虎皮肉
    上湯浸菠菜