Video
Read full review
2014-07-28
3965 views
同老婆都揀左個 $130 既鐵板黑椒牛柳餐，六成熟。先試個羅宋湯，屬於淡味既雜菜湯，餐包方面係一片即烘多士。因為並非主菜，味道略差都無所謂。十分鐘左右主菜到，亞姐捧住兩塊鐵板過黎，黑椒汁明顯淋左一段時間，無咩吱吱聲。鐵板放上枱前，睇到亞姐有少少打側左塊鐵板，正响到驚緊如果成塊咁熱既鐵板跌落老婆個身到會有幾嚴重後果既時候，另一塊鐵板忽然移左過我對眼唔夠四吋既距離，開餐前嚇到一額汗。雖然聞唔到黑椒味，但係見塊牛柳好厚身，好吸引。可惜一落刀就發現塊牛柳面好硬，係硬並唔係爽果隻，好老實講真係有D砂紙feel，切一小角仔居然要鋸左三刀以上先切得開…食左兩片仔再望下牛柳入面，六成熟卻居然只有一丁點的血印，並無期望中既紅嫩肉汁，而且每一口都有渣同根，搞到我要吐D肉渣落枱面。 明明好肚餓，但係食到一半真係頂唔住，放棄左… (對我呢對無肉不歡既夫婦黎講真係好浪費)咁難食既鐵板，之前真係未遇過，連大家樂同大快活果D快餐店既質素都高佢好多。我真係點都諗唔到一間老牌既扒房會整到個鐵板咁難食，佢以前有幾好食我唔知，宜家就真係好唔得…唉!!埋單加一 $308，真係好想大叫回水羅…
先試個羅宋湯，屬於淡味既雜菜湯，餐包方面係一片即烘多士。因為並非主菜，味道略差都無所謂。
十分鐘左右主菜到，亞姐捧住兩塊鐵板過黎，黑椒汁明顯淋左一段時間，無咩吱吱聲。鐵板放上枱前，睇到亞姐有少少打側左塊鐵板，正响到驚緊如果成塊咁熱既鐵板跌落老婆個身到會有幾嚴重後果既時候，另一塊鐵板忽然移左過我對眼唔夠四吋既距離，開餐前嚇到一額汗。
雖然聞唔到黑椒味，但係見塊牛柳好厚身，好吸引。
可惜一落刀就發現塊牛柳面好硬，係硬並唔係爽果隻，好老實講真係有D砂紙feel，切一小角仔居然要鋸左三刀以上先切得開…
食左兩片仔再望下牛柳入面，六成熟卻居然只有一丁點的血印，並無期望中既紅嫩肉汁，而且每一口都有渣同根，搞到我要吐D肉渣落枱面。
明明好肚餓，但係食到一半真係頂唔住，放棄左… (對我呢對無肉不歡既夫婦黎講真係好浪費)
咁難食既鐵板，之前真係未遇過，連大家樂同大快活果D快餐店既質素都高佢好多。我真係點都諗唔到一間老牌既扒房會整到個鐵板咁難食，佢以前有幾好食我唔知，宜家就真係好唔得…唉!!
埋單加一 $308，真係好想大叫回水羅…
Other Info. :
望住枱上既喼汁招紙發晒霉，樽入面滿佈硬化左既汁漬，同埋熱飲用膠匙，其實都睇到佢地對自己既餐廳既態度就係------好hea!!!! 或者係------hea爆!!!!
(The above review is the personal opinion of a user which does not represent OpenRice's point of view.)
Post
