Video
Read full review
2019-03-03
67 views
今晚同男朋友黎The wave 搵食，呢間登堂一入到黎既感覺真係超大，集餐廳同酒吧於一身，好grand 好有氣派。✨冷泡玄米茶抹茶奶蓋（$40): 個奶蓋好soft 好輕盈，奶味唔算好重，反而茶味比較突出同清香。而且裏面係無糖，呢杯啱晒愛清淡既人士。✨牛油果蜜糖奶昔（$28): 呢個配搭都係第一次試，對我黎講幾驚喜。個奶昔好滑好soft, 唔會係杰撻撻果種。牛油果味同奶味都好香，又帶點草青味幾清新， 加埋蜜糖少少甜真係幾好飲。✨緬因州龍蝦尾，西班牙辣肉腸，燒南瓜，嫩菠菜，半乾車厘茄，鹹蛋黃汁手工貝殼粉（$228): 個名打起上黎真係超長🤣， 西式意粉配鹹蛋黃汁感覺好新奇，都係第一次食。✨賣相好靚好繽紛，成個present 好似藝術品一樣，朵花真係加分位。✨咸蛋黃汁幾香幾特別，手工貝殻粉形狀似條豆又幾有咬口。最鍾意燒南瓜夠腍身食落唔會乾爭爭，嫩菠菜果然亦係夠嫩🤣✨最特別係個半乾車厘茄，食落帶點煙煙韌韌，味道有d 似食緊紅莓乾，比平時食到既車厘茄甜。另外仲有辣肉腸粒同洋蔥粒，夾埋一齊味道幾豐富。✨龍蝦尾有兩舊，肉質略嫌唔夠結實，但係味道就好鮮甜。✨龍蝦湯（$68): 呢個龍蝦湯超鮮味～龍蝦
✨冷泡玄米茶抹茶奶蓋（$40): 個奶蓋好soft 好輕盈，奶味唔算好重，反而茶味比較突出同清香。而且裏面係無糖，呢杯啱晒愛清淡既人士。
✨牛油果蜜糖奶昔（$28): 呢個配搭都係第一次試，對我黎講幾驚喜。個奶昔好滑好soft, 唔會係杰撻撻果種。牛油果味同奶味都好香，又帶點草青味幾清新， 加埋蜜糖少少甜真係幾好飲。
牛油果蜜糖奶昔
$28
22 views
0 likes
0 comments
✨緬因州龍蝦尾，西班牙辣肉腸，燒南瓜，嫩菠菜，半乾車厘茄，鹹蛋黃汁手工貝殼粉（$228): 個名打起上黎真係超長🤣， 西式意粉配鹹蛋黃汁感覺好新奇，都係第一次食。
✨賣相好靚好繽紛，成個present 好似藝術品一樣，朵花真係加分位。
緬因州龍蝦尾，西班牙辣肉腸，燒南瓜，嫩菠菜，半乾車厘茄，鹹蛋黃汁手工貝殼粉
$228
16 views
0 likes
0 comments
✨咸蛋黃汁幾香幾特別，手工貝殻粉形狀似條豆又幾有咬口。最鍾意燒南瓜夠腍身食落唔會乾爭爭，嫩菠菜果然亦係夠嫩🤣
✨最特別係個半乾車厘茄，食落帶點煙煙韌韌，味道有d 似食緊紅莓乾，比平時食到既車厘茄甜。另外仲有辣肉腸粒同洋蔥粒，夾埋一齊味道幾豐富。
✨龍蝦尾有兩舊，肉質略嫌唔夠結實，但係味道就好鮮甜。
✨龍蝦湯（$68): 呢個龍蝦湯超鮮味～龍蝦味非常濃郁，如果有多個包點湯就perfect.
龍蝦湯
$68
43 views
0 likes
0 comments
✨低溫慢煮燒原隻法國黃油春雞釀鮑魚，栗子，薩丁尼亞珍珠麵拌烤粟米，薯條（$288): 呢隻春雞都幾叼鑽，細細隻但釀滿食材，直係未試過。
低溫慢煮燒原隻法國黃油春雞釀鮑魚，栗子，薩丁尼亞珍珠麵拌烤粟米，薯條
$288
13 views
0 likes
0 comments
✨未切開已經feel 到個熱力，打開果下個畫面真係好頂癮，有一粒粒既珍珠麵，栗子同埋鮑魚🤣
✨d 珍珠麵索晒雞汁既味道好入味，鮑魚仲非常彈口。
✨個雞肉質嫩滑juicy，仲好香煙燻嘅味道🤤。平時好少食到原條燒粟米，好香甜多汁。如果佢可以切開幾件，會食得更加方便。連薯條都好好味，粗身又夠脆。
✨今晚既菜式真係幾特別，見到隔離枱生日～餐廳仲有個迷你煙花點著影相，真係好正👍🏻慶祝生日可以諗下黎呢間。
Post
