夥伴 (Closed)

喺網上見到有人介紹過新開張，今次經過大角咀，就過嚟試吓個下午茶，食物擺上台賣相唔錯，雞湯底濃郁得嚟唔鹹，米線煮得啱啱好，有少少咬口，無過淋，最值得一讚嘅係啲雞，實肉得黎好重雞味，食得出係高質素嘅雞肉，呢啲質素係大角咀一定企得住，做到熟客，肯用靚嘅食材，先至係宜家食市嘅主流。涼拌萵筍就不過不失咁啦⋯⋯🤣新裝修環境企理乾淨，老闆都幾有禮貌，下次會再試下佢哋啲辣野。😋雖然呢度無奶茶咖啡飲，不過佢啲罐裝飲品都有糖同無糖選擇。