鰹烏冬 (寶華閣)

Open Now

Now Closed

11點幾，咁早食lunch居然座一陣已開始越來越多人了。咁都證明無黎錯。一入去得一個客，先用Qr code點餐，最想食叉燒，居然無湯，但又想食湯烏冬，咁唯有叫另一款啦，鰹魚湯都係不錯選擇啦，想食骨付雞，但唔知點解又想食好D又無啦啦咁就叫左天婦羅。水同天婦羅碎自助無取嘅，正。仲有七味粉都要出面取枱面無嘅。一上到枱，係吸引嘅，最好味係個天婦羅蝦，夠厚身同鮮，個冬菇都係好juicy同厚身，唔係個炸粉係菇身同蝦身好厚，另有2款天婦羅魚，唔知乜魚，可能我唔係好鍾意魚，就覺得普通，一個脆字，矮瓜正常好脆唔干身。個烏冬都食得出煙韌得黎係鮮個隻而唔係隔夜個隻。鰹魚湯淡淡地，配烏冬可以，反而覺得如配拉麵係呢個濃度就唔ok囉。整體一百蚊食個鮮制烏冬，係不錯嘅，但食個lunch黎講，又好似貴左D，好矛盾添。不過幻想自己食晚飯，咁就抵返晒，同埋好食嘅。