研香

Open Now

Now Closed

啱啱係尖沙咀食完飯就經過見到口厚福街呢間新開嘅甜品舖。以為閒日會比較少人，點知8點幾去到都已經滿左。好彩佢有得揀坐係入面嘅室外位置所以最後唔洗等就安排左比我地入座。室外嘅環境對比室內嘅裝潢當然好似有啲對比，主要係因為佢係廁所嘅出入口附近，同埋比大廈圍住，觀感未必最好。但當日天氣未算好熱，而且室內嘅冷氣都會飄都出黎所以都幾舒服。如果你唔想等排隊而溫度係接受到，坐室外係唔錯嘅選擇。我地叫左呢到最出名嘅開心果糊，但可惜嘅係佢已經無得再獨立叫，一定要加埋豆腐花。但食左之後就明白佢地嘅糊係比較濃厚，你會食到好足料同磨出黎嘅質感。所以食耐左都真係幾飽幾heavy，有豆腐花中和下的確唔錯。友人叫左合桃露，食落都係一樣咁出色嘅質素。但食得耐食落去喉嚨會有種好甜嘅感覺。所以佢強烈推介之前食過腰果露。總括然而佢係一碗好飽肚嘅甜品。因為真係食得出佢個種磨製嘅質感，好厚身。建議唔好食太飽先過嚟食。同加豆腐花都會減輕到個種厚膩嘅感覺。