Hustle Guy (Closed)

Office 附近啱啱開咗間新黃店，今日難得返去，當然要第一時間朝聖。Hustle Guy 本店喺荃灣，聽講係頗受歡迎嘅街坊小店，主打 burger，pizza，pasta 等西式食物，今日我就試咗個經典牛肉漢堡。先嚟餐湯，雖然份量唔多，但係真心高質，既 creamy 又有香濃嘅芝士味，薯仔味同煙肉味，飲得出係心機之作。Burger 用料簡單，除漢堡扒外，配料有芝士，蕃茄，生菜，洋蔥同醬汁，我覺得蕃茄非常好食，勁厚切，好新鮮，好 juicy；反而漢堡扒就弱咗少少，雖然牛味都算夠，不過肉質略嫌較乾較嚡。薯條係連皮炸，就咁食已經好惹味，點埋黑松露醬，呢個真係冇得輸🤤。