君綽軒

Open Now

Now Closed

朋友試過君綽軒個點心放題覺得唔錯， 推介叫我去試吓。上官網睇過，呢個點心放題除咗午市外， 晚市都有供應， 喺酒店中菜館晚市時段食到點心放題都算幾特別。 訂位試試晚市時段飲夜茶。點心紙上列出嘅各式各樣點心選擇都唔少，前菜，燒味，蒸/炸點心，粥粉麵飯 ，甜品等，粗略數過吓都超過40多款，不過點心款式方面就多是大路款式，無乜驚喜。欣嘗大部份點心是可以每件點， 咁樣可以試多幾款唔同嘅點心。 150分鐘嘅用餐時間， 對我來講是非常足夠， 唔會食得好趕。 叫咗點心紙上大概六成左右嘅嘢食，個人認為用我對酒店中菜館嘅標準來講大部份點心水準都只是中規中矩， 唔算突出。 不過， 如果單以食物選擇來講，又想一個價錢可以盡情食到好多唔同款式嘅點心， 呢個點心放題一定啱你。