特式三文治專門店 (Closed)

一個星期黎食左兩次，因為灣仔區黎講呢間真係平靚正。1點15分去到，多人到，門口有十幾人等緊，過左半個hour，終於可以zip 到一個位仔。2次都食左肉醬大熱狗，加埋野飲都係24蚊。次次都食呢個係因為d 肉醬真係幾ok，入面有d紅腰豆，d紅腰豆真係入味入得好緊要。咬落去都感覺得唔係肉醬撈茄膏，係真係燘過煮過o既味道。好味呀。仲有個包入面有大量生菜同蕃茄，令到整個hotdog 都均衡左，唔肥膩。不過杯凍飲就陰功d，第一次order 好立克少甜，結果變左sugar free，不過係本人咎由自取；第二次order 阿華田正常，結果都係淡如水。呢d就唔及茶餐廳加糖加奶咁香滑lu。總括黎講，24蚊，抵。