La Barra Tapas Spanish Restaurant

Open Now

Now Closed

事源我地2個人19:00入座，侍應話20:15要交枱，咁諗住食個西班牙炒飯，呢啲簡單嘢都冇咩所謂。落單嘅時候問侍應，個西班牙炒飯大概幾耐上，佢先話要15-20分鐘。咁見到仲有時間，是單啦。我哋點嘅西班牙海鮮炒飯係3-4人份量，但啲飯得薄薄一層，青口殼入邊嘅肉細到幾乎見唔到。鮮味係鮮味，但係1男1女都食唔飽。食完個飯先見到，餐牌上面寫住 每人最低消費$250（因為今日係星期六）。咁就PK啦，仲要20:15交枱，好趕喎！咁咪嗱嗱臨呢個餐牌嚟睇，想嗌西班牙乳豬，跟住侍應話唔得，因為「你哋唔夠時間食」。聽到真係O晒嘴！第一次落單嗌嘢食，俾人拒絕？！時間關係，咁就落咗份慢煮八爪魚同封門柳，特登話要5成熟。熟成度呢家嘢真係冇得要求，去好多餐廳都係全憑運氣。但重點係，份慢煮八爪魚20:00先上，我真係覺得好有壓力。結果份八爪魚豆膶咁細。。。食完八爪魚，個封門柳都未上，我都諗緊有冇得取消。但係取消咗又未夠最低消費，唔取消又食得超趕。最後份封門柳20:11上咗，咁咪食囉。個侍應20:13就將張單放喺個封門柳隔離，同我哋講夠鐘交枱。都未食完又要拎返凳底個袋出嚟，就係為咗搵張卡！快快手手食搵最後一嚿牛肉，然