牛站(駅)麻辣火鍋放題

Open Now

Now Closed

今晚喺尖沙咀牛駅食火鍋放題, 地方寬敞, 卡位又多。可能天氣凍凍地, 特別多人打邊爐。二維碼點餐, 方便快捷, 多款火鍋湯底以供選擇, 食物款式多, 性價比都幾高。點咗胡椒豬肚湯底, 清香惹味。食火鍋牛肉當然唔少得, 美國極黑和牛和美國安格斯牛板腱係我嘅喜好, 新鮮肥美有牛味, 熱灼2至5秒就食得, 咁正嘅牛肉, 自然要食多幾轉。鮮蝦雲吞, 皮薄蝦肉爽脆。牛丸, 貢丸夠彈牙, 餃子都很足料, 蔬菜款多又新鮮, 粟米, 蘿蔔, 娃娃菜, 冰菜, 南瓜等, 尤其豆苗, 配胡椒湯底零舍鮮甜。麻辣小龍蝦惹味又多肉鮮甜, 最正就信有任食紅燒乳鴿皮脆肉嫰, 好食到唔停得口。炸魚皮香脆可口, 喺熱湯淥幾吓, 又係另一番滋味。黑糖糍粑熱辣辣, 脆香軟糯, 甜度啱啱好。還有多款雪糕雪條和汽水飲品, 真係食得盡興。