鼎爺私房菜 (Closed)

就嚟冬至聖誕節啦，諗下點樣慶祝，我地會邀請親人朋友上嚟做節， 外賣盆菜係唔錯嘅選擇，唔洗諗太多，如果想食得矜貴啲，由鼎爺出品的「新春手工盆菜」， 淨係面頭幾款菜式，已經好吸睛，用料真係相當重本，而且好盆滿，非常豐富，食法方面建議配合鼎爺秘製上湯汁，真係越食越滋味。「新春手工盆菜」，賣點除咗是食材矜貴，就是阿爺手工菜式，而且每天新鮮製作，包括花膠釀雲吞、肉蓉釀海參、龍穿鳯凰翼及潮汕海蝦棗，真係相當精緻，少啲功夫都唔得，矜貴食材中包括原隻鮮鮑魚、一品大瑤柱及茄汁大虎蝦等。花膠釀雲吞手工相當考功夫，以花膠做雲吞皮，包住蝦滑拌豬肉的餡料，外形似足滿滿錢包，花膠厚薄剛剛好，非常軟淋煙韌，吸收曬盆菜嘅材料精華，而餡料同花膠相當夾， 真係好美味又養顏。肉蓉釀海參用上等的海皇刺參，再釀了墨魚滑，這樣配合相當有口感，刺參很鮮味， 配合鹹鹹哋嘅墨魚滑，特別又滋味。潮汕海蝦棗由原隻海蝦，製作到好似笑口棗咁，炸至金黃，建議不要放入湯汁太耐，保留入口酥脆，蝦肉彈牙鮮甜，十分香口。盤菜真是十分豐富，其他菜餚包括阿爺靚豬腩、馳名醬油雞、千足金豬皮、天津大甘栗、發財炆支竹、荔甫靚芋頭、古法炆蓮藕、精選甜蘿蔔、包金黃芽