焱丸水產

Open Now

Now Closed

聖誕節想同女朋友出街食，但一直也想不到食什麼好，女友突然話好掛住上次去日本食果間日式大排擋，我當堂嚇一跳，唔通佢想話去日本，然後得啖笑，原來佢話有日返工前見到尖沙咀有間新店開張門口好熱鬧，佢好奇喺門口望左一望發現呢間野概念有九成似我地喺日本食果間，我不禁倒抽一口涼氣，二話不說上網搜尋，馬上訂枱，好了，好像說自己的故事多過似寫食評！到了餐廳門口，發現和女友形容的果然一樣，店內氣氛確實與日本的有九成相似，看得出老闆在裝潢上花過一點心思，本來我會諗，香港始終係香港，食品新鮮程度怎能夠與日本相題並論，但到我品嘗過後，卻發現海鮮出奇地新鮮，於是我好奇問老闆邊度入貨，諗住平時可以自己買返屋企食，一問之下，先發現原來佢一早同日本傾好左貨源，每天或隔天從日本空運到港，怪不得那麼新鮮，而且餐牌定價不怪，確實抵食，當晚店員推介了我吃八爪魚和蝴蝶蜆，因為新鮮的關係，基本上不用什麼調味都非常好食，讚！另外還點了個鍋物和一些熟食，同樣出色！最後埋單人頭三百，以這樣的價錢能夠吃到日本的質素，爽！機票都慳番！