正麵館 新派車仔麵 (Closed)

呢間車仔麵開左無耐，見佢裝修幾靚又企理，lunch個價都ok,會一會佢先我叫左個豬骨濃湯油麵配左牛腩，招牌雞翼，墨魚丸同響鈴豬骨濃湯未係好濃，不過喺車仔麵黎講都幾新穎，我平時都係叫開腩汁，而豬骨濃湯都係配拉麵，牛腩又夠稔又入味，招牌雞翼真係色香味俱存！顏色吸引，無雪味，墨魚丸夠晒彈牙爽囗，唔會食到成囗粉，係唯獨響鈴就爭小小，因為響鈴浸個湯，唔係話好特別，不過其他有個正字嘅都值得一試！呢個冰震芥蘭都要試下，好爽脆又無渣，又夠凍，配埋芥辣豉油，相得益彰同時叫埋個招牌蝦多士，蝦餃貼到個多士實一實，咁會一咬就甩左，多士香脆唔油膩，面頭仲有大量芝麻，好香囗好味！