Video
Read full review
2010-05-20
9 views
朋友推介加上openrice都有食友提供意見,須然有好有壞,但係都即管嘗試吓啦.當日一行8人,準時到達,須然滿座,但係因為book咗位所以唔駛等.現場所見,除咗樓底唔夠高之外,整體裝修都尚算整潔光猛. 除咗呢樣,佢地o既服務真係好到不得了,叫乜有乜,要乜有乜.其實之前有咁多食友post過咁多相片,所以我唔再upload喇!(其我唔記得帶相機)我地今次都係揀選佢地o既任食餐,4位以上就免一位,重送咗半隻樟茶鴨. 可能我地人多關係,我地差唔多試晒佢個餐單o既食物. 值得推介o既有幾樣:醉雞 : 好好味,酒味啱啱好,雞肉好滑.煙燻蛋 : 做得唔錯,蛋黃重係流質咁,入口唔會太乾.紅油抄手 : 少少辣,唔會蓋過雲吞o既鮮味.上海粗抄 : 可能我太耐冇食,所以覺得好好食.蜜汁烤雙方 : 我地叫咗3次,真係必食推介,我最欣賞佢塊火腿,唔會太鹹. 讚呀!!!樟茶鴨 : 須然好遲先至上,但係都比我地食晒,因為實在幾好味,連骨都入味架!小籠包 : 一定要食,須然要自費,我地都叫咗2次,皮薄多汁,非常好味
現場所見,除咗樓底唔夠高之外,整體裝修都尚算整潔光猛. 除咗呢樣,佢地o既服務真係好到不得了,叫乜有乜,要乜有乜.
其實之前有咁多食友post過咁多相片,所以我唔再upload喇!(其我唔記得帶相機)
我地今次都係揀選佢地o既任食餐,4位以上就免一位,重送咗半隻樟茶鴨. 可能我地人多關係,我地差唔多試晒佢個餐單o既食物.
值得推介o既有幾樣:
醉雞 : 好好味,酒味啱啱好,雞肉好滑.
煙燻蛋 : 做得唔錯,蛋黃重係流質咁,入口唔會太乾.
紅油抄手 : 少少辣,唔會蓋過雲吞o既鮮味.
上海粗抄 : 可能我太耐冇食,所以覺得好好食.
蜜汁烤雙方 : 我地叫咗3次,真係必食推介,我最欣賞佢塊火腿,唔會太鹹. 讚呀!!!
樟茶鴨 : 須然好遲先至上,但係都比我地食晒,因為實在幾好味,連骨都入味架!
小籠包 : 一定要食,須然要自費,我地都叫咗2次,皮薄多汁,非常好味.
其他食物都不過不失,係甜品就差o的,個高力豆沙油咗o的同埋o的油唔係太新鮮,碟西瓜就冇味.好在我地訂咗壽包,食番自己o既甜品.
Post
