火薈中日火鍋

Open Now

Now Closed

個朋友仔成日都想打邊爐，雖然呢架疫情嚴重，但我食開果間店有保證，咁我就拉埋佢一齊食🤣點解我會拉佢黎呢，因為呢度特別之處，係有窗口打開，等啲空氣流通，唔洗焗住，所以可以好放心咁享用嘢食🤤仲要幾多選擇架我地今次叫咗個刺身拼盤-松，賣相唔錯啵，影相出黎夠晒靚，味道都好新鮮，最鐘意食佢果北寄貝，好鮮甜又爽口，佢嗰魷魚蟹籽好特別，好少地方嘅拼盤會有。跟住朋友就信店員嘅推薦，嗌咗個海南椰子雞鍋，店員建議我地品嘗咗d湯，先再加水打邊爐，個湯又幾鮮甜啵，食得出d椰子係新鮮幾香，唔錯唔錯😉😉加埋香脆嘅響鈴，好夾🤤係飲湯嘅途中，上咗老友鬼鬼，佢係由油炸鬼釀蝦滑，我朋友好鐘意呀，味道又真係幾正，又脆脆地，d蝦滑彈下彈下，幾趣致。加湯打邊爐lu, 牛肉緊係一定要叫喇，今次咗2款牛，最正係極上本地手切牛肉，片片都好靚份量又大，牛肉勁香香味，牛脂分佈靚，入口即溶咁。重有啲四寶餃，粒粒都咁好食嘅，黑松露餃好特出，味道夠晒黑松露😋😋手打四寶丸，無得輸，梅菜豬肉丸好香口，食到我想食晒佢，唔留比佢地😂😂😂佢地嘅員工做嘢好落力，飲完湯有雞骨，又即刻幫我地換碟，好好人，我地今餐都食得好開心呀，會再叫朋友屋企人黎。