漁獲浜燒

Open Now

Now Closed

又係慶生時間，上openrice 見到衣間就諗住試一試。上去餐廳時要排隊搭lift 耐左少少。漁獲兵燒～咁緊係要一試海鮮係咪咁新鮮喇～叫左蠔、魷魚、蟹腳，少不得嘅味噌蟹甲羅燒～仲有松露菇菇盛合等候時間唔係好耐，已經逐樣逐樣來喇，首先係松靈菇菇盛合，好香松露未，食落好juicy 之後燒蠔，蠔係時價，食時記住問下幾錢先～蠔燒得剛剛好，脹卜卜好多汁，我連殼上啲水都飲埋燒魷魚～原條上，但是我覺得燒得乾了少許 燒蟹腳，如果可以大隻啲就真係好滿足🦀燒得剛剛好外乾內juicy ~重點來喇味噌甲羅燒，味道剛剛好，唔會太咸食到好香蟹膏味～❤️食物好食之餘，最滿意係服務，個個服務員都好有禮貌，細心咁幫你燒熟食物，亦會提點你食物影相位😆感覺貼心，而家已經好少服務咁滿意嘅餐廳～值得一讚。最後食左個漁獲滿溢壽司卷，衣個都好好食，上面有三文魚子、帶子、海膽，真係滿到捨。