Video
Read full review
2021-02-01
2319 views
半個月前訂咗柏屋，米之蓮二星的懷石料理。期待！店內裝修簡單，氣氛恬靜，感覺優雅。沒有像一般餐廳用膠板格住在枱與枱之間，只是枱與枱之間保持法定距離，消除侷促感。一行五人只能分三張枱而坐，空間濶落。點左一月的Tasting Menu （七品）-「睦月の献立」，即是一月的菜單料理。每位$1680。適逢一月係日本人的新年，所以有多道菜式都有日本新年嘅氣色。先付（前菜）福壽鶴做器皿，寓意健康、長壽，年年有今日嘅意思。北寄貝、櫻桃、蘿蔔都係紅白兩色，有福壽的意思。主角係煙燻北寄貝，食落又鮮又軟，煙燻味濃郁。可惜在品嘗最後一塊的時候咬落去原來沒有煮熟，滿口瞬間充斥著鯹哼哼的味道。店員見狀立刻送回廚房並詢問想吃什麼代替，但我只想要回一塊煙燻北寄貝！店員後來回覆說廚師認真地在有問題的海鮮上聞清楚。基於廚房已經在準備下一道菜，所以廚師在稍後時間會送上另一道菜作補償。北寄貝實在做得不錯，只是處理時漏咗一隻。可惜！煮物碗店員請大家先聞下個湯嘅香味，然後才開始進食。松葉蟹腐皮卷鮮甜還可以。其餘配菜用上新年樂用的紅白色。造里左手邊是比目魚，中間係拖羅，右前方係鮮墨魚，黃色的係馬糞海膽，用淨化過嘅鹽水浸過。醬汁有昆
店內裝修簡單，氣氛恬靜，感覺優雅。沒有像一般餐廳用膠板格住在枱與枱之間，只是枱與枱之間保持法定距離，消除侷促感。一行五人只能分三張枱而坐，空間濶落。
點左一月的Tasting Menu （七品）-「睦月の献立」，即是一月的菜單料理。每位$1680。
適逢一月係日本人的新年，所以有多道菜式都有日本新年嘅氣色。
先付（前菜）
福壽鶴做器皿，寓意健康、長壽，年年有今日嘅意思。北寄貝、櫻桃、蘿蔔都係紅白兩色，有福壽的意思。
主角係煙燻北寄貝，食落又鮮又軟，煙燻味濃郁。可惜在品嘗最後一塊的時候咬落去原來沒有煮熟，滿口瞬間充斥著鯹哼哼的味道。店員見狀立刻送回廚房並詢問想吃什麼代替，但我只想要回一塊煙燻北寄貝！
店員後來回覆說廚師認真地在有問題的海鮮上聞清楚。基於廚房已經在準備下一道菜，所以廚師在稍後時間會送上另一道菜作補償。
北寄貝實在做得不錯，只是處理時漏咗一隻。可惜！
先付
115 views
0 likes
0 comments
煮物碗
店員請大家先聞下個湯嘅香味，然後才開始進食。松葉蟹腐皮卷鮮甜還可以。其餘配菜用上新年樂用的紅白色。
煮物碗
69 views
0 likes
0 comments
造里
左手邊是比目魚，中間係拖羅，右前方係鮮墨魚，黃色的係馬糞海膽，用淨化過嘅鹽水浸過。醬汁有昆布醬油同梅子醬。在享用比目魚同墨魚比較濃味嘅海鮮時，建議配比較淡味的梅子醬。
這份刺身用料上乘
造里
69 views
0 likes
0 comments
八寸
八寸
54 views
0 likes
0 comments
上方有鯖魚壽司用昆布打蝴蝶結，寓意人有著無限嘅未來！
前方係燒過嘅鰤魚（ menu寫的是翎鯧魚），不過餐廳在menu上己印有「食材可能隨時更改」嘅字樣，所以冇嘢好講。
魚燒嘅時候加咗啲清酒。伴有蘿蔔蓉。可惜魚燒過久，魚肉有點硬，十分「鞋」口，亦聞不到酒香。
八寸
38 views
0 likes
0 comments
竹枝穿着黑豆同柚子，黑豆嘅日文有着勤奮努力嘅象徵。
右下方就有一個酥炸（天婦羅）楤木芽，配蘿蔔蓉嚟食。
左下方有金桔茶巾，即係金桔做的啫喱，裏面包裹着真正嘅金桔蓉。
清香嘅金桔🍊啫喱為八寸劃上句號。
鉢物
和牛用豆乳白味噌浸過，牛蒡中間有個洞，寓意見到光明嘅未來。
和牛肉質鮮嫩，只是個人覺得用豆乳白味噌浸的和牛無咗牛味。
鉢物
60 views
0 likes
0 comments
白子（廚師贈送）
店員先查詢我哋食唔食白子，大家都冇問題。最後在茶漬飯之前廚師送上每位一份（共五份）白子。還親自出來向筆者鞠躬道歉，因為先付的北寄貝失咗手。
白子望落簡單，食落口感一流，材料新鮮。
白子
51 views
0 likes
0 comments
食事
不敢恭維的一道菜，水撈飯是也
食事
36 views
0 likes
0 comments
水物
日式水果：士多啤梨、蜜瓜、橘子同藍莓。
底部嘅啫喱主要係用白酒同蜜糖來做，增加酒香同甜度。如果覺得啫喱太甜，可以加少少牛奶沖淡。
水物
48 views
0 likes
0 comments
多謝你的耐性🙏終於完成晒這個七品懷石料理。
傳統懷石料理必須嚴選時令食材及帶出其鮮味。進食時相當講究，食物種類繁多，給人高檔及隆重的感覺。
這次不算高檔，因為沒有高檔食材；不算食物種類繁多，因為只有七品。所以我認為這個Testing Menu係懷石料理「入門版」。
適逢一月，好有日本新年套餐feel, 意頭多於一切。希望食過這餐，人人添福添壽，有着光明的未來💥
最後，餐廳按某某會的會員折扣，八折收費。就當買個見識吧☹️
Post
