京都抹茶屋 (Closed)

早幾日入去將軍澳搵朋友~~佢話將軍澳中心開左間新鋪係食抹茶...悶悶地一於去試下!!!間鋪坐係商場到, 以綠色為主題,唔計四周環境嘈嘈地, 其實都幾舒服!!打開佢個menu...嘩....花多眼亂到呢~~最後我決定叫左個溫泉蛋抹茶冷麵食...天氣熱,完全唔想食湯麵雖然佢上菜個陣先發現原來同menu個樣完全唔同...但係佢個冷麵同溫泉蛋都幾好味!! 溫泉蛋中間的流心好流...撈埋d麵食一流~~原本以為抹茶冷麵會好苦好重抹茶味, 但係呢到又唔會, 抹茶味唔重, 但係食落口好清新下...同朋友一齊叫多左個小食...繼續係抹茶~~今次出黎同menu既相一樣, 食落去一樣唔係好重抹茶味...少少啦~~不過炸天婦羅唔會好油...幾好味同朋友諗左陣食甜品好定叫野飲食...最後都係飲野我叫左杯宇治抹茶巧克力牛乳,朋友就叫左北海道牛乳紅豆字治抹茶今次好夠抹茶味...我同朋友都好滿意呢~不過飲落去多左少少冰...下次有機會再黎要叫佢少冰XDDD