拉麵來 (Moved) New Location

食拉麵梗係黎拉麵來啦～先揀湯底。湯底分金木水火土幾種。仲可以揀麵嘅軟硬度同埋湯嘅濃度。另外亦可以選擇蔥、蒜蓉同埋香味油嘅份量。牛舌牛尾湯拉麵牛舌入口即溶揀左硬麵。麵質唔會太硬，好有咬口。濃厚豚骨湯豬骨湯夠濃，杰杰地。叉燒鮮甜加左$17嗌隻日本溏心蛋。自行將溏心蛋一分為二，睇住d蛋汁緩緩流出，好治癒啊～章魚小丸子有4粒，大大粒，脹卜卜，醬汁夠多，d汁好酸好開胃嘴對嘴脆炸蒜香墨魚咀墨魚咀啱啱炸起上枱，好熱，小心辣親嘴仔啊～蒜炸得好香，呈金黃色。出面有椒鹽鹹鹹地，隔離有啲沙律菜淡淡地，正好中和返墨魚咀嘅椒鹽味。自家製餃子皮又薄又脆，唔會一團粉最後嗌左甜品：番薯雪糕同埋柚子雪葩。好少地方有得食番薯雪糕。番薯雪糕呈紫色，睇落好似芋頭雪糕。芋頭雪糕就見得多，番薯雪糕就未食過。好香蕃薯味，唔會太甜。👍🏻柚子雪葩酸酸地好清新。