好運道拉麵小菜館

Open Now

Now Closed

手抓羊肉🐑我一睇就知道係羊肉排，肉質唔會係硬實/韌，係軟腍得嚟有口感，而且唔會好似食湯渣咁。呢個醬汁睇落同水餃嗰個好似一樣，但係我覺得呢個比較辣 dd，但係都唔會係好辣嗰種。我覺得個孜然粉同埋辣粉 十分正，又係好辣嗰種。整體味道 係 good！牛肉水餃🥟（12隻）水餃十分 有肉汁，嚿牛肉口感唔會死實，個皮 不厚身，size 入口剛剛好。仲有嗰個醬汁簡直係錦上添花，係酸酸地，只少少辣，我唔食得辣都覺得正。鮮肉包（3隻）有鮮肉味，皮亦都唔會厚身，天氣涼涼地，食熱辣辣嘅包，唔錯。熱豆漿（走甜）加配走甜，但覺得都有少少甜味，anyway，正常豆漿味。餐牌仲有其他 套飯，＄50幾蚊，送例湯，我見到隔離枱嘅例湯幾正，見到有紅蘿蔔同埋其他食材。今日係平日夜晚，仲要係 late dinner，只剩返兩張枱，都係因為食物質素高，女職員又友善，又有禮貌。