梵日本焼鳥

Open Now

Now Closed

掛住日本嘅串燒，朋友就帶我來呢間餐廳食正宗日本燒鳥串燒。一坐低，職員就會俾一包暖毛巾抹手，好貼心的服務。🏮前菜白子，同埋呢個星期附送嘅味噌鯖魚🏮師傳omakase10串精選唔知點咩好，揀咗個Omakase 試吓先。有雞翼、雞頸、和牛沙朗、紫蘇葉豬肉、牛舌、鰻魚、秋葵、蘆筍、雞軟骨、雞髀肉串燒。Omakase set入邊仲有滑蛋雞肉飯同雪糕。🏮串燒實在太好味， 火候掌握非常好，外脆內軟，滑溜多汁。我哋encore咗牛舌、雞翼、鰻魚、雞髀肉、和牛肉眼。🏮半生熟柚子胡椒雞胸🏮雞腎🏮雞尾🏮雞皮師傅有講過食材係日本直送、包括日本師傅同埋日本人侍應。師傅好好傾，好風趣，介紹我哋食半生熟雞胸，非常推薦，口感滑溜，似食緊吞拿魚刺身。以往從來唔敢食嘅半生熟雞胸，同雞尾喺呢度都試咗，好驚喜竟然係咁好食。值得推薦，大啲啲朋友一齊過嚟摸杯底食正宗日本串燒，還原日本味道。