武館 (Closed)

做左廿幾年人都未去過大角咀，今次專登過嚟朋友極力推薦嘅武館食Omakase。地點好方便，奧運站一出就到。呢餐飯食咗三個鐘，多過廿道菜，時間控制得好好，全程都怎住有驚喜我同朋友都覺得好享受同非常抵食！舖頭係由武師傅兩公婆打理，武師傅好有性格，堅持唔做fusion嘢，只會做傳統日本菜，從食材嘅多元化及鮮度，食得出武師傅非常有誠意。虎河豚白子我喺香港真係未見過，價錢貴過鱈魚白子好多倍同好食一百倍，竟然包埋係$1200嘅Omakase入面拖羅加埋大葉同紫菜原來係咁好味，將拖羅帶咗去另一個層次唔係日日都有得食嘅活馬糞海膽，鮮甜到呢！鮟魚肝又係另一surprise，真正日本島根嚟，非常濃味軟熟，正過鵝肝時令嘢白魚，加入清酒一齊飲，由佢喺口入面游下游下，過癮咁滿足嘅一餐真係好少喺香港食到，一定會再幫襯及推薦比朋友！