度小月 (海運大廈) (Closed)

又到Lunch Time，本來諗住早d落去食自私鍋，點知。。。都係無位要等下輪。所以只好轉場去度小月。由於無午餐set，急不及待點了幾款菜式。 三杯雞煲 熱辣辣噴晒煙咁放係枱上，翻動下煲內食材，好香呀 但份量唔多d雞件就骰仔咁大。好聽d咪易入口囉，難聽d咪碎濕濕囉。不過食落係惹味，紫洋蔥、三色椒等配菜都好夠味。但按呢個價位算係偏貴。 蚵仔酥 好特別既一款菜式。蚵仔新鮮，酥炸不油膩，一啖一口細細粒容易食 祖傳肉燥飯 肉燥好正，不過我本人就覺得飯同肉汁比例唔多岩。原因碗肉燥飯又唔係大碗，但肉燥醬汁太多，令到好似湯飯。店家要注意 花生豬腳 豬腳炆得好腍，亦都係切得比平時個d細件，比較易食。 上湯時蔬 (菜苗)蔬菜係新鮮既，不過份量細左d。 櫻花蝦九層塔煎蛋雖然煎得好香好脆口，但食落蛋香味唔夠。總括黎講，環景係坐得舒適。食材新鮮，但份量偏少唔抵食。午餐又無Lunch Set，價錢每款菜式雖然只係幾十蚊，因為份量太少，要叫多幾款才夠食。午餐超唔抵