La Parrilla Steakhouse

一直想試呢間餐廳，朋友極力推介，所以年尾收爐慶祝黎食餐好嘅。餐廳職員首先送上新鮮熱辣嘅麪包。叫咗前菜Caesar Salad，非常大碟，爽口新鮮，有益健康。主菜:1. 蕃茄肉醬長通粉Rigatoni，餐廳職員服務好好，因為我唔食洋蔥，所以食物為我走洋蔥。蕃茄味濃郁，又多肉醬，長通粉軟硬適中，我嘅至愛；2. Rump Steak 牛臀肉，鐵板上熱辣出爐仲出緊煙，外層香脆帶少少炭燶香口，內層肉汁保持到鮮嫩，好高質好味！！後腿肉中最嫩的部位，是幾乎沒有油脂的瘦肉。配上6種醬料，等你食出唔同口味，有musta芥末，香草，蕃茄粒等，我最鍾意配芥末。另外，叫咗兩個配菜: 法式千層焗薯(Potatoes au Gratin) 是一道法國經典家常料理，薄片的薯仔層層疊入，然後加入牛奶或鮮忌廉（有些做法會直接用鮮忌廉煮軟薯仔），再放入焗爐焗烤；烤好後，切出來，層層相疊，賞心悅目又好味；Mashed Potato薯蓉加加咗好多黑松露，令味道更加香同多層次感。食埋呢兩個配菜真係好飽。非常滿意嘅一餐，食材同煮法高質，真材實料，好味到值得encore，價錢又合理CP值高，一定會再幫襯！！@laparrillah