丼造

Open Now

Now Closed

同事介紹附近有間小店叫丼造，主打日式丼飯，味道唔錯值得一試，今日咁啱經開，買些回家試試！丼造主要係外賣，但店內亦有位置堂食，但座位不多。牛油果赤火丼：材料有三文魚、鯛魚、左口魚裙邊、牛油果、玉子和蟹籽。輕輕燒過嘅三文魚多咗一份香口感及油香, 完全入口即溶。火炙過嘅鯛魚味道層次更加豐富甜美。左口魚經過火炙處理，令魚肉外層口感緊緻而內𥚃則充滿油脂入口即溶。牛油果肉質細膩，玉子印有丼造二字，囗感軟滑帶甜味，仲有蟹籽，伴均勻壽司飯食好有口感。咖喱燒雞扒丼：原塊去骨雞扒燒至香噴噴，肉質嫩滑多汁。另上嘅咖喱汁香濃美味，內有薯仔，伴飯食好惹味。拖羅蓉軍艦壽司：有入口即溶的感覺，吞拿魚油香滿滿，鮮甜味道，吃得滿口餘香。