胡爐 (Closed)

朋友30歲生日，就訂左胡爐火鍋同佢試下啦。坐低先叫個日式蕃茄沙律食下，有好多片番茄，酸酸甜甜咁好開胃👍🏼之後朋友就揀咗新出嘅魚翅瓜荷葉鵝掌八寶鍋湯底，湯底非常足料，有幾大隻鵝掌，好多嘅小帶子，仲有好大舊魚翅瓜，非常之鮮甜😛🤤至於火鍋料嗌咗一個胡爐牛拼盤，牛拼盤有牛舌，牛柳粒，同埋肥牛。三個唔同嘅部位可以試晒，正🤤餃子拼盤有四款餃子，黑松露蟹肉餃，XO醬鮑魚蝦餃王，手工雲吞，韭菜餃🩵每款餃子皮薄餡靚，全部都係人手包既😛個人最鍾意黑松露蟹肉餃，啖啖黑松露味，令人想一食再食🙈手打丸拼盤包括芝心墨魚丸,梅菜豬肉丸,手打蝦滑,牛骨牛汁丸全部手打丸都好彈牙，好新鮮👍🏼我同朋友都覺得個芝心墨魚丸同手打蝦滑特別出色🤤蔬菜拼盤呢個蔬菜拼盤超正，係我最鍾意食嘅其中三種菜，油麥菜，娃娃菜，同埋小白菜🥬打邊爐必叫👍🏼整體來講呢間火鍋店性價比好高，所有食材都好新鮮，完全對得住個價錢。食到半路朋友已經話要約下個月再嚟食多次😛😛😛地點:胡爐 (銅鑼灣)銅鑼灣耀華街3號百樂中心3樓