花木日本料理 (Closed)

今日同男朋友食好嘢，呢間壽司店值得推介！胡麻菠菜油揚沙律$90 勁鍾意呢個菠菜沙律，醬汁令到成個沙律好開胃😚香蔥吞拿魚腩蓉薄脆$108 吞拿魚腩蓉好鮮甜，搽係薄脆上食脆卜卜，口感唔錯！😋築地精選壽司8本$300 賣相好靚呀，忍唔住狂影相！精選嘅壽司都好高質，食材新鮮可口！最鍾意就係油甘魚，好肥美，海膽都鮮甜美味，牡丹蝦膠質口感有趣，好甜美😝😘其他嘅壽司都好正！活帆立貝$168 賣相一流，直接用貝殼裝起帆立貝刺身，然後燒煮，配木魚湯，有淡淡嘅香味，好清甜。如果貝殼唔夠湯，就可以加啲湯。帆立貝勁香牛油🧈味，好鮮味，配菜d菇菌都吸晒牛油精華！沖繩豚肉野菜炒麵$118冇食過咁好食嘅炒麵，佢嘅麵質一流，煙韌彈牙，加左七味粉，少少辣，好惹味，d配菜同豬肉都炒得好入味，呢個麵我俾一百分🥰🥰🥰沖繩風味炸雞$58外脆內軟，唧咗檸檬汁落去食好似冇咁熱氣😝最正係個沙律醬，同d炸雞好夾😜😜呢度嘅師傅製作用心，店員服務貼心，價錢合宜。