上陽樓

Open Now

Now Closed

如果想大時大節同長輩食好啲，尼一間中菜廳可能係你唔錯嘅選擇～除咗散叫之外，佢哋近排都推出咗好多唔同嘅套餐，價錢更加經濟實惠，質素依然照舊！我哋今次就揀咗$638 既二人套餐👥 ，一共有七款食物，分別係：涼拌海蜇🪼佢哋嘅涼拌海蜇同一般嘅唔一樣，佢哋嘅海蜇係切成片狀既，口感更加爽脆～野生冷菌燉花雞湯🥣好足料嘅燉湯，入面嘅材料有花雞、螺頭、金華火腿等等，湯頭好清，燉湯質素優勝過大部份中菜廳～豉汁蒸爽鱔鱔一般售價都比較貴，好少會出現喺餐廳嘅套餐入面，呢度真係好抌本！我哋今晚呢條鱔非常肥美，而且蒸嘅時間拿捏得好好，肉質爽滑！魚湯鮮竹菜苗浸魚腐🐟呢一碟菜苗非常大兜，無論係魚腐、腐竹 定係菜苗都超多，魚湯有淡淡嘅甜味，感覺上呢一度餸健康好味又有益🤩🤩脆皮妙齡乳鴿🐦好耐未食過個皮炸得咁脆嘅乳鴿，好似搵返兒時味道咁，極推介👍🏻👍🏻金稻銀苗🍚套餐亦都跟咗兩碗白飯，絕對唔使怕唔夠飽～甜甜蜜蜜🫘我哋當日嘅糖水係陳皮紅豆沙，陳皮味比起一般嘅紅豆沙重，我自己就幾鍾意嘅！