六公館

Open Now

Now Closed

嚟過三四次食飯，每次都係攬住個肚好滿足咁走。餐牌好多選擇，每次都可以試唔同野，次次都有驚喜。如果第一次去，可以試下幾呢樣︰蜜汁黑豚叉燒 - 半肥瘦，好好咬口，蜜汁香甜但唔會過多，點到即止。招牌乳鴿 - 皮脆肉嫩，又多汁，名不虛傳。一人一隻非常惹味。松茸羊肚菌海膽燴飯 - 必食，羊肚菌超香，加埋海膽嘅CREAMY，超好食！老少咸宜！茉莉花茶味意式奶凍 - 淨係賣相已經100分，整到好似一杯中國茶咁，食落有茉莉花茶嘅清香，配奶香好夾。佢餐牌咁多野，真係有排試，係有啲貴架喇，但好味就抵返晒。多啲人一齊去，就可以試多啲菜囉。