神燈海鮮酒家 (18廣場)

Open Now

Now Closed

昨晚約朋友去佐敦食好嘢，呢間神燈海鮮酒家食過好多次，真係好好食，每碟菜式都炒到好夠鑊氣。所以今次食完就扚起心肝寫食評。🥢涼伴豬腳筋口感爽滑同埋有啲彈性，豬腳筋裡面有好多膠原蛋白，食落去嘅時候會帶啲黏口嘅感覺，但係又唔會油膩，仲醃到超入味。🥢五香金錢牛展牛展肉質充滿有彈性，而口感夠柔軟，加上濃鬱嘅五香味道再配上微甜辣，食完一件又一件，停唔到口。🥢乳豬 （例牌）乳豬燒到皮脆肉嫩，皮脆得嚟唔油膩，咬落去有種「咔嚓」聲，而肉就非常嫩滑，兼且唔乾，又有豬肉嘅鹹香，非常美味。🥢 黑松露玻璃燒鵝 （1/4隻）呢間酒家可以做到燒鵝皮脆肉嫩，充滿鵝肉嘅鮮味，佢地重加入咗黑松露，黑松露嘅味道好濃，同燒鵝嘅味道配合得剛剛好，增加咗口感嘅層次感。🥢 砵酒桶蠔煲桶蠔嘅口感夠晒鮮美，肥美多汁，蠔味濃郁。另外紅酒嘅加入，唔單止增添咗一種特有嘅香氣，而且仲令到蠔嘅鮮味更加突出。🥢 啫啫介蘭煲呢個介蘭煲上枱時夠晒熱辣辣，開煲蓋時一陣陣濃郁嘅蝦醬味飄出嚟，而且芥蘭同蝦醬都炒到夠乾身，香氣四溢，而芥蘭重保持到其脆嫰爽口嘅口感。🥢豉油王炒麵豉油王是炒麵的靈魂所在，佢嘅獨特的甜咸風味增添咗濃郁的醬香。這種醬香不僅滲透進了每一根