Video
Read full review
2025-03-04
0 views
早排同朋友去試呢間登龍街嘅居酒屋，叫咗個二人set覺得幾扺食, 咩都有啲唔駛自己選擇困難。一坐低有個前菜俾你點味噌食，可以緊急醫下肚XD 白蘿蔔有驚喜, 甜到不得了 有衝動想問有無得refill 二人set有個蕃茄沙律做前菜，好新鮮一啲都唔酸，可以食好嘢前refresh下之後嘅刺身拼盤，有蝦、帶子、油甘魚、三文魚，總體都幾新鮮。油甘魚有驚喜, 十級鮮甜 好味過三文魚
仲有磯煮鮑魚都係一齊上，兩隻鮑魚口感彈牙鱈魚乾份量細啲, 沙律醬+七味粉點落辣辣哋(唔知係咪仲落咗少少辣粉), 香口又唔影響戰鬥力味噌帆立貝都唔錯，調味較得啱啱好最特別嘅係個龍蝦，呢50蚊加得好值，肉質緊實，聽staff介紹係用咗味噌同沙律醬mix黎燒，所以做到唔會太鹹，同啲龍蝦肉一齊食好夾最不得了係連埋啲蝦膏食（唔知係咪錯覺，隻龍蝦好似特別多膏添）， 哇 兩樣都濃味但唔會互相蓋過咗， 香到想連個殼都食埋🤩至於月見雞肉棒，溫泉蛋配個豉油汁唔會太重味, 整穿蛋黃點黎一齊食好滑好幸福, 唔想浪費隻蛋我幾乎飲晒個汁😂鹽燒牛肉，調味唔會太重手, 燒得啱啱好唔會太鞋白金豚肉特別出色, 燒到金黃色好靚, 外脆內嫩 而且鹽味啱啱好吊到油
一坐低有個前菜俾你點味噌食，可以緊急醫下肚XD 白蘿蔔有驚喜, 甜到不得了 有衝動想問有無得refill
二人set有個蕃茄沙律做前菜，好新鮮一啲都唔酸，可以食好嘢前refresh下
之後嘅刺身拼盤，有蝦、帶子、油甘魚、三文魚，總體都幾新鮮。油甘魚有驚喜, 十級鮮甜 好味過三文魚 仲有磯煮鮑魚都係一齊上，兩隻鮑魚口感彈牙
鱈魚乾份量細啲, 沙律醬+七味粉點落辣辣哋(唔知係咪仲落咗少少辣粉), 香口又唔影響戰鬥力
味噌帆立貝都唔錯，調味較得啱啱好
最特別嘅係個龍蝦，呢50蚊加得好值，肉質緊實，聽staff介紹係用咗味噌同沙律醬mix黎燒，所以做到唔會太鹹，同啲龍蝦肉一齊食好夾
最不得了係連埋啲蝦膏食（唔知係咪錯覺，隻龍蝦好似特別多膏添）， 哇 兩樣都濃味但唔會互相蓋過咗， 香到想連個殼都食埋🤩
至於月見雞肉棒，溫泉蛋配個豉油汁唔會太重味, 整穿蛋黃點黎一齊食好滑好幸福, 唔想浪費隻蛋我幾乎飲晒個汁😂
鹽燒牛肉，調味唔會太重手, 燒得啱啱好唔會太鞋
白金豚肉特別出色, 燒到金黃色好靚, 外脆內嫩 而且鹽味啱啱好吊到油香出黎, 好香
茄子田樂入味，而且上面放咗啲鰹魚碎 好香, 味道口感再豐富咗一個層次
我唔食得凍嘢 叫咗熱鳥冬，無肉但以收尾黎講呢個配搭清清哋好好，烏冬有咬口又唔會太淋, 個湯都有啲魚介味，食咗咁多邪惡嘢後可以refresh下味蕾
友人叫咗凍烏冬，賣相好好玩，有蔥有薑蓉有wasabi同鵪鶉蛋，可以自己按喜好tune個汁係咩味
最後已經好飽了，意外地仲有個甜品燒湯圓，入面係芝麻饀，咬開嗰時小心熱
overlall好滿足嘅一餐
Post
