Video
Read full review
2020-03-11
36 views
早兩日見到世衛泰國官員講嘢咁威，就好想食下泰國菜。去開元朗，上網睇咗一睇，揾到依間薄荷葉，就去試一試。去到門口我打咗個答，以為係一間齋酒吧，問清楚之後原來真係泰國菜，咁我就坐低啦。呢間野裝修都幾得意，泰得來又有少少文青feel （我自己覺得)，因為可能係有啲燈籠喺度釣釣下掛~咁去到一間酒吧裝潢嘅嘢點都望下有d乜嘢酒飲，我見佢有啲薄荷啤酒其實好想試，但係呢排唔飲得酒，所以唯有等下次。同個朋友分別就點左一個菠蘿特飲同埋椰青。唔知撞手神定係鋪頭嘅品質高，個椰青比喺出邊嘅飲到好飲好多。平時出邊啲椰青成日都勁淡，得浸青味冇乜甜味，啲肉又硬到抽筋刮極都刮唔到。不過呢間鋪頭嘅嘢青就10分掂！椰青水好飲，啲肉有易刮，仲要大大個，十分正！個菠蘿特飲隻杯好鬼高，有特色，個friend話幾特別，但係我就冇啜到，咁信佢係好野啦~咁今次就叫咗幾樣嘢食，分別係鹹魚炒椰菜苗，軟殼蟹咖喱配薄餅，同埋豬牛雞串燒。雖然嘢食品種唔多但係食完都好飽，分量足夠。講咗個炒椰苗先，原本以為個鹹魚配落去會怪怪地，但係廚師處理得十分之好，味道嘅平衡算係唔錯，之後我偷雞就咁食咗舊鹹魚，唔係得浸鹹味嗰啲，係有浸香味嘅，可能因為咁所以炒出嚟
去到門口我打咗個答，以為係一間齋酒吧，問清楚之後原來真係泰國菜，咁我就坐低啦。
呢間野裝修都幾得意，泰得來又有少少文青feel （我自己覺得)，因為可能係有啲燈籠喺度釣釣下掛~
咁去到一間酒吧裝潢嘅嘢點都望下有d乜嘢酒飲，我見佢有啲薄荷啤酒其實好想試，但係呢排唔飲得酒，所以唯有等下次。
同個朋友分別就點左一個菠蘿特飲同埋椰青。唔知撞手神定係鋪頭嘅品質高，個椰青比喺出邊嘅飲到好飲好多。平時出邊啲椰青成日都勁淡，得浸青味冇乜甜味，啲肉又硬到抽筋刮極都刮唔到。不過呢間鋪頭嘅嘢青就10分掂！椰青水好飲，啲肉有易刮，仲要大大個，十分正！
個菠蘿特飲隻杯好鬼高，有特色，個friend話幾特別，但係我就冇啜到，咁信佢係好野啦~
咁今次就叫咗幾樣嘢食，分別係鹹魚炒椰菜苗，軟殼蟹咖喱配薄餅，同埋豬牛雞串燒。
雖然嘢食品種唔多但係食完都好飽，分量足夠。講咗個炒椰苗先，原本以為個鹹魚配落去會怪怪地，但係廚師處理得十分之好，味道嘅平衡算係唔錯，之後我偷雞就咁食咗舊鹹魚，唔係得浸鹹味嗰啲，係有浸香味嘅，可能因為咁所以炒出嚟特別好食掛。
之後到個軟殼蟹咖喱，俾咗相大家睇先。
個軟殼蟹即刻食係好脆既！但我自己衰，第二件放耐左少少浸耐左咖哩，所以淋咗啲，但係竟然比我發現到，佢索咗咖哩之後，外淋，但內脆，入口除咗仲有”shop”一聲之外，仲有香濃嘅咖喱味。呢一個感覺我都係第一次試。幾好。但如果你鍾意食勁趣嘅都係拎返出嚟會先可能會好d，但係keep住浸呢個食法，都值得試吓，有驚喜。上邊知茴香，阿姐過嚟提咗我好多次係有機的，建議我可以撈落去食~ 但我對茴香浸味一半半，所以無試(對唔住下姐)。
好有心打咗摺嘅薄餅。
最後都口痕想食多少少野嘅串燒。
依個我覺得有啲驚喜。因為平時出邊食嗰啲串消，全部 un 之之細細粒，燒完出嚟通常有un 又鞋，但呢間餐廳嘅串燒，竟然燒完出嚟無論雞豬牛都係唔in 唔鞋有少少肉汁係入面。唔知佢用乜嘢方法少希望廚師教下我。
埋單正常500幾，唔可以講好平，但同朋友坐喺度吹水吹左好耐，兩個零鐘，佢都冇吹我走，都叫正常價錢啦。
Post
