Video
Read full review
2010-05-10
90 views
8-5-2010答案係:「柄」埋油麻地的呢間茶餐廳! 位置完全不起眼, 不過星期六 1:xx pm 嚟到都唔少人, 2 人想搵個卡位坐都有 d 難度, 好在最後都「攝」到位 大家都叫了「特餐」, 有公仔麵一碗, 火腿煎雙蛋, 餐包及飲品一杯; 不過我哋就煎蛋變炒蛋, 餐包又變多士 (加 $2) 飲品係凍奶茶, 色水好「茶」, 飲落幾滑亦幾香茶味, 不過實在太甜了, 大家 order 的話要留意.試了少少朋友的熱奶茶, 由頭到尾佢都無落過糖, 飲落茶味幾香, 奶味亦夠, 不過攤凍後茶味就消失得無影無蹤 , 唯有放棄.火腿 + 炒蛋就當然以炒蛋好食 d , 炒得油油滑滑, 食落蛋汁豐盛, 蛋味亦香, 不過略嫌邊位炒得有點過火, 調味又唔勻搞到其中一啖鹹到飛街 , 整體比澳牛略遜.多士頗厚身, 烘得夠, 不過牛油塗得太少了, 愈食愈乾 麵就係沙爹牛出前一丁, 份量勁大 ... 賣相完全係沙爹還沙爹, 丁麵還丁麵, 認真麻麻; 麵底淥得過腍, 不過沙爹汁夠晒香濃, 牛肉又難得唔係梳打 /「擦膠」滑牛, 整體其實算係咁了.朋友食腸丁, 條腸樣樣衰衰的, 不過朋友又話「煎/炸得好香」, 應該都不
答案係:「柄」埋油麻地的呢間茶餐廳! 位置完全不起眼, 不過星期六 1:xx pm 嚟到都唔少人, 2 人想搵個卡位坐都有 d 難度, 好在最後都「攝」到位
大家都叫了「特餐」, 有公仔麵一碗, 火腿煎雙蛋, 餐包及飲品一杯; 不過我哋就煎蛋變炒蛋, 餐包又變多士 (加 $2)
飲品係凍奶茶, 色水好「茶」, 飲落幾滑亦幾香茶味, 不過實在太甜了, 大家 order 的話要留意.
試了少少朋友的熱奶茶, 由頭到尾佢都無落過糖, 飲落茶味幾香, 奶味亦夠, 不過攤凍後茶味就消失得無影無蹤 , 唯有放棄.
火腿 + 炒蛋就當然以炒蛋好食 d , 炒得油油滑滑, 食落蛋汁豐盛, 蛋味亦香, 不過略嫌邊位炒得有點過火, 調味又唔勻搞到其中一啖鹹到飛街 , 整體比澳牛略遜.
多士頗厚身, 烘得夠, 不過牛油塗得太少了, 愈食愈乾
麵就係沙爹牛出前一丁, 份量勁大 ... 賣相完全係沙爹還沙爹, 丁麵還丁麵, 認真麻麻; 麵底淥得過腍, 不過沙爹汁夠晒香濃, 牛肉又難得唔係梳打 /「擦膠」滑牛, 整體其實算係咁了.
朋友食腸丁, 條腸樣樣衰衰的, 不過朋友又話「煎/炸得好香」, 應該都不錯吧?
環境帶點舊式, 衛生麻麻, 不過伙計阿哥 (老闆?) 好客又風趣, 招呼不錯的.
放低 $30, 未必會專程再來, 不過炒蛋真係幾好食, 甚至比已經幾好食的某人氣「疑似冰室」(http://www.openrice.com/restaurant/commentdetail.htm?commentid=2060390) 更好食, 嚟開呢頭值得試試的.
Post
