焼肉 焰

Open Now

Now Closed

呢間燒肉店，真係俾到驚喜。以燒肉為主打，食材好新鮮，環境服務態度非常好，值得一試。香蔥牛舌厚切牛舌裏面讓滿香蔥好特別，職員好細心建議燒到咁上下要用鉸剪切半更容易熟。牛舌燒得剛好，食落好爽好彈，香蔥嘅清香為佢增添咗一層獨特嘅風味。好味😋。鹽燒特上三角牛小排肉厚實又有嚼勁，鹽燒嘅味道恰到好處，完全唔會掩蓋過牛肉本身嘅鮮味。牛油蒜香生蠔生蠔新鮮得來，加上大大塊牛油同蒜香，令味道層次更加豐富，好惹味。我哋見鐵板燒到有啲燶就叫職員替換，佢哋都好樂意。菠蘿漬鑽石和牛胸腹肉未食見到個賣相已經好震憾，心情都興奮😆。係原件菠蘿上，牛胸肉放頂裏面有菇和菜。牛胸肉質鮮嫩，菠蘿醬嘅甜味輕輕包裹住肉香，有解膩作用。另外在旁幾塊菠蘿酸甜多汁好清新。醬漬原條封門柳同樣出色，醬汁入味，肉味濃郁，鍾意食牛嘅朋友一定好滿足。最後，我仲試咗燒日本雞肉北海道豚肉飯。雞肉嫩滑，豚肉香口，有質素。呢間燒肉店好高質，我同朋友食得好開心好滿足，真心值得推介。