Video
Read full review
2007-08-14
6 views
今朝一早A朋友就打鑼打鼓話之前我地0係銅鑼灣食過果間MYTOKYO0係尖沙咀開左分店,仲有露天位可以食煙,朋友堆中大部分都係煙民(包括小弟),所以今次飯局就上左呢度,記得CWB分店裝修都幾型0下,但係呢面就大獲左少少,唔知上手係咪一間BAR,佢地頂左個位,轉做餐廳,間舖可以話冇乜裝修可言,似一間急急開業0既酒吧多0的,可能慳皮換左DESIGNER啦,而且燈光都好暗0下(比CWB更暗)野食方面,就同CWB果面一樣,都幾特別(個名...),質素好似仲差左少少,可能開分店,分薄左人手掛,有幾道菜都幾得意:海胆雞軟骨(唔知同海胆有咩關係) 四色XX他他(唔記得個名,不過賣相精緻,但係四隻色都係冇乜味咁,個汁....都係冇味的) 米子XX卷(都係賣相幾靚,不過食落普通)飯局尾聲,友人G問:嘩~你地成晚係咁食煙,你地上黎食飯定食煙0架?~~小弟即時"停一停,諗一諗"再望望枱面剩低0的野食,嗯...下次都係食飯還食飯,食煙還食煙啦......
野食方面,就同CWB果面一樣,都幾特別(個名...),質素好似仲差左少少,可能開分店,分薄左人手掛,有幾道菜都幾得意:海胆雞軟骨(唔知同海胆有咩關係)
四色XX他他(唔記得個名,不過賣相精緻,但係四隻色都係冇乜味咁,個汁....都係冇味的)
米子XX卷(都係賣相幾靚,不過食落普通)
飯局尾聲,友人G問:嘩~你地成晚係咁食煙,你地上黎食飯定食煙0架?~~
小弟即時"停一停,諗一諗"再望望枱面剩低0的野食,嗯...
下次都係食飯還食飯,食煙還食煙啦......
Post