肉浦團火鍋放題

Open Now

Now Closed

難得請咗一日假，朝早去睇咗個早場。餓到晏晝又好想打邊爐，附近搵到呢一間晏晝有得打邊爐，仲有靚牛嘅放題。因為都好早去到，都唔使點等位就有得入😂。入邊啲裝修好有香港嘅味道，佢仲有啲搞鬼設計嘅海報非常特別。一條長長嘅走廊有各種各樣嘅丸類同蔬菜，去到尾仲有啲面啊小食同飲品。食肉獸嘅，我哋見到團嗰個set有M5和牛食，所以就決定揀咗呢個試吓。除咗好好味嘅M5和牛，佢其他嘅部位非常吸引。上邊嗰個風門樓肉質香濃，而我夾住呢一塊牛版鍵除咗香濃嘅肉味重好有牛肉嘅質感。都唔記得講個湯底，我揀咗清酒味噌卜卜蜆。入面有非常多嘅蜆肉，而個味噌亦都好夠味道，配上啲牛食都好夾到。食得太多肉，當然要攞返啲菜。佢呢度有翡翠苗食，出邊都真係好少見。而佢飲品有自家製嘅冷泡茶，另外佢仲有呢排人氣好高嘅汽水。最後食到飽晒，店員仲俾咗份甜品我哋食，非常之好味。