菊月町

Open Now

Now Closed

呢間餐廳專長似乎唔係食物，而係marketing😊大部分食評都寫性價比高，為之所騙，做冬夜晚walk in ，有幸享受今年最差體驗😁速度方面，由於只有1位主廚、1位副廚對12位客人，一次基本上只煮到一個菜式左右，慢到要食自己零食頂檔。主廚煮食時似乎相當投入其中，但意義不大😄味道上，前菜滿意，適合下酒；魚、蠔、蝦都非常沉悶，食之無味；牛排外老內生，既硬且韌，不如自己煎。羊排熟嘅部分不錯，但某啲部分過生，睇圖就知😍湯係全晚最佳，因為夠熱。明明menu寫炒雜菜，上到嚟係純正炒芽牙，一啲雜菜都冇👍用餐到一半時，認真考慮過直接離開，但為左寫篇公允食評，只能留下🥳服務而言，只有1位侍應，不過不失，但明明menu及門口有魚生類，落單時先話當日唔提供。廁所夠大，但toilet roll欠奉🤩總結：走。