大圍小館

Open Now

Now Closed

近排都好鐘意去大圍小館食，啲點心叉燒都好好味，例如叉燒酥真係好好食。今日就不幸遇上差嘅待遇，事緣我先生去到㩒機攞飛，之後企埋一邊等。點知個門口知客S姐無跟號嗌飛，憑佢記憶力叫客入座，我先生一味聽見「小姐到你」，佢就走前望下到自己未，點知後面兩張枱入左，咁即時同S姐反映，S姐話我見你唔到呀，你張飛過左我俾過張你。阿姐你唔係順Number? 一味叫小姐啲先生當然唔應你。😓咁我先生見後面無人唯有照等，等左20分鐘我都到左就發現入面係有枱無人執，又無人叫入座，我就企入門口等，S姐一心記卦佢本卜枱簿，完全忽視門外客人，直至入面侍應哥哥叫咪，佢至應機，問完我幾多位收左我張飛就話下張到我。我入座啦，S姐話：小姐未到你，呢位先生先。「呢位先生」正正係我老公，之後佢又指另一位先生，好彩我老公有影底張相，唔係又俾佢玩多一鑊。呢位S小姐真係慳到唔好意思都無句，當無事發生咁行開。食好野要等唔係問題，但唔好做埋啲趕客行為。